Umento sa Suhulan sa Mamumuo, Dili Umento sa Sweldo ni Arroyo!

Makakaulaw ug makasagmuyo ang plano ni Gloria Arroyo nga umentuhan nga 100% ang iyang sweldo ug sa mga opisyal sa gobyerno. Mas gikinahanglan ug makatarunganon lamang nga mahatagan na sa dugang umento ang mga yanong mamumuo ug empleyado. Taliwa sa walay kinutuban nga pribilihiyo ni Gloria ug sa iyang mga opisyal, minilyon sa katawhang Pilipino ang gihikawan sa desente ug saktong sweldo.

Busa hugot nga nanawagan ang kabatan-unan sa Central Visayas nga aprobahan na ang mga balaudnon sama sa HB 1722 and HB 1962 providing for P125 across the board wage hike for workers and P3,000 salary hike for government employees respectively.

Makasagmuyo ngadto sa mga yanong empleyado sa gobyerno nga samtang mag 100 porsyento ang umento sa mga opisyal nga i intregrate sa 2009 national budget. Apan ang umento sa mga rank and file hatagan lamang sa 50 porsyento sa ilang increments alang sa upat ka tuig.

Usa ka iskandaluso nga umentuhan ang sweldo sa presidente gikan sa P60,000 ngadto P120,000 kada bulan samtang 25.4 million sa mga Filipino nanimbasug nga mo survive sa labing minus Php 60.00 kada adlaw.

Ang katapusang taho gikan sa Asian Development Bank nisangpot sa poverty line ngadto sa 1.35 dolyares o gibana-banang Php60.00. Ang bag-ong indikasyon sa kalisud sa kasamtangan niabot na sa 29.5 porsyento sa atong populasyon nga nabuhi ubos sa poverty line ilawom sa administrasyon ni Presidente Arroyo.

Kini nagpasabot nga Dole-outs ang mga kinaham nga palisiya sa gobyerno. Mas kinahanglan sa katawhan nga dunay mga measures nga i- implement alang sa hinanali nga relieve sa mga kabus taliwa sa miigong grabeng ekonomikanhong krisis, sama sa legislated wage hike.

Ang dili madawat nga gintang sa nagtunhay tali sa daily cost of living ug sa actual nominal wage kinahanglan na nga atimanon. Samtang ang family living wage o ang daily cost of living sa family of six muabot na sa Php 894.00, ang suhulan sa Central Visayas nagpabiling gilansang sa Php 267.00.

Pagbutar alang sa CHA-CHA dili na kinahanglan

August 26, 2008 Karon adlawa butuhan diha sa Committee on Constitutional Amendments sa Lower House ang hisgutan sa posibleng kausaban sa atong batakang balaod.

Alang namu dili na unta angayan ug wala nay igong rason nga mag butuhay pa alang sa cha cha o charter change sa pagkakaron, tungod kay baga na ang kabatan-unan ug katawhang Pilipino ang nisupak niini.

Nganung kinahanglan paman butuhan ang cha-cha nga sayud man kita nga daghan sa katawhan lakip ang kabatan-unan ang supak? Nganung dali-dalion paman ang cha-cha nga sayud man kita nga ang senado supak man niini?

Ang mga alipures ni Arroyo diha sa kongreso kusganong nagpaduso sa isyu sa cha-cha alang sa kasulbaran sa krisis nga nahiaguman sa katawhan. Kini usa ka desperadong lakang o pamatuod sa ilang pagka kinwanggol nga paghimo og sulosyon sa krisis.

Ang ANAKBAYAN Cebu hugtanon nga nagsupak sa bisan unsa nga mga lakang nga nagtumong alang cha cha o pag-usab sa batakang balaod, tungod naghatag kinig bulnerabilidad ug kakuyaw alang sa ekstensyon sa termino sa bakakong rehimen ni Gloria Arroyo. Adunay mga probisyon sa atong konstitusyon nga nagprotekta pa sa interes sa katawhan nga kung dunay cha cha dako ang kahigayunan nga wagtangon kini.

Ato pod nga makit-an ang maniobra sa mga alipures ni Arroyo pinaagi sa pag convene sa Constituents Assembly nga mobutar isip usa sa kongreso ug senado, kini nga lakang makahiktin o maka marginalize sa senado tungod sa kadaghan sa ihap sa mga membro sa ubos balay balauranan o lower house.

Ma-aduna o walay Memorandum of Agreement on Ancestral Domain sa game-plan ni Mrs. Arroyo permaninteng mulugwa ang hisgutan sa charter change. Ang MOA maoy gihimong entry point alang sa cha-cha nga maoy kinaham sa Rehimeng Gloria isip ilang malahutayong interes.

Ang Malacanang kasamtangang namahayag nga dili na nila pirmahan ang MOA sa kasamtangang porma ug posibleng i-review o mag negosasyon pag-usab pinaagi sa Korte Suprema nga Restraining order.

Magpabilin kitang magmatngon sa mga maniobra kay ang itom nga laraw ug intensyon alang sa cha-cha wala pa mamatay. Ato gipahinumduman ang atong mga magbabalaud nga ang self serving nga charter change makasugat sa lig-ong pagsupak sa kabatan-unan ug katawhan.#

Kartel sa Lana Nagbuhakhak sa Dakong Ganansya

Makapasagmuyo ug makapalagot ngadto sa katawhan nga bisan taliwa sa pag-us-os sa kalibutanong merkado sa presyo sa krudo, padayong mahal ug wala sa rason ang grabe ka taas nga baligyaanay sa produktong petrolyo dinhi sa atong nasud.

Ang presyo sa gasolina, diesel ug kerosine nga nag presyo gikan sa tag P55 kada litro ngadto sa tag P59 kada litro sobra pa gihapon ka mahal ug wala kini moepekto ngadto sa signipikanteng pag-ubos sa presyo sa lana ug sa mga batakang palaliton.

Niadtong hulyo 2008, ang presyo sa krudo niabo sa tag $147 kada barel. Sa niaging Agusto 13, ni-us-us ang presyo niini ngadto sa tag $113 kada barel nga dunay $34 nga deperensya. Sa Agusto 14, ang presyo sa gasolina ni rolled back sa ikatulong higayon nga mikabat ngadto sa P3.50 kada litro, ug ang diesel ug kerosine nag rolledback sa ikaduhang higayon nga mikabat sa ngadto sa P 1.50 kada litro.

Pero kung atong ikompara kini sa frequency sa mga usbaw sa presyo sa lana nga miumento ka 19 ka higayon (nitotal og P19 kada litro) ug ang diesel ug kerosine nga presyo niabot ngadto sa 21 ka higayon (o P24 kada litro), makaingon kita nga ang kartel o dagkong kompaniya sa lana nagbuhak-hak alang sa ilang dakong ganansya.

Ang kalibutanong kompaniya sa lana nagpaburot sa presyo sa krudo tungod kay kontrolado nila ang tanang ang-ang sa produksyon sa lana ug lakip ang distribusyon niini. Ila usab nga gisobrahan ang presyo sa krudo sa dihang ila na kining i-suplay sa ilang mga lokal nga kasusyo dinhi sa nasud pinaagi sa pagpasa sa presyo o transfer pricing.

Ilabi pa, matud pa sa 2006 nga pagtuon sa senado sa Estados Unidos sa America, 30% sa gasto sa krudo gitakda subay sa tagna-tagna o speculation. Dinhi sa nasud, nagpasabot kini nga ang pump prices gipaburot ngadto sa 23% gumikan sa tagna-tagna.

Gibana-bana usab nga dili mo ubos sa P31 kada litro sa pump prices muadto sa windfall nga ganansya sa mga kompaniya sa lana.

Samtang ang Gobyernong Arroyo wala nakahimo sa signipikanteng lihok aron matubag ang kataas sa presyo sa mga produktong petrolyo. Nasayod kita nga sa kada 10% nga umento sa presyo sa lana, mapun-an ngadto sa 160,000 nga Pilipino ang mahimong kabus. Niini usab nga kahimtang, mosirit ang umento sa presyo sa pagkaon ug mahitaong minilyon sa atong katawhan ang gut-mon.
Hangtud karon ang Gobyernong Arroyo padayong ni-insister nga ang palisiyang deregulasyon makahatag kaayuhan sa industriya sa lana.

Ang Coalition Against Oil Price Increase ( CAOPI), kakuyog ang katawhang sugbuanon nagtuo nga kinahanglan ang industriya sa lana sa atong nasud ma-regulate sa gobyerno aron protektahan ang kaayuhan sa mga Pilipinong konsyumidor.

Idugang ang VAT nga gi-imposar sa lana kinahanglan nang wagtangon, nga moresulta ngadto sa P7 nga us-os sa presyo kada litro sa diesel, gasolina ug kerosine, ug P88 nga us-os sa presyo sa matag tangke sa LPG.

Among gisalikway ug gi-kondina ang administrayong Arroyo sa iyang target nga P73 bilyunes ngadto sa P80 biyunes nga makolekta gikan sa VAT nga gi-imposar sa produktong petrolyo niini lamang nga tuig. Kini nga target nidoble sa koleksyon sa VAT sa lana niadtong nakalabay'ng 2006.

Libuan sa mga sugbuanon ang nisuporta sa Signature Campaign sa CAOPI nga nag-awhag sa pagbasura sa Oil Deregulation LAW, pagwagtang sa VAT sa lana, ug lang sa regulasyon ug nasyunalisasyon sa industriya sa lana sa atong nasud.

Mao nga karong umaabot Agusto 21, 2008, sa ika 35 ka tuig nga kasumaran sa kamatayon ni Benigno “ninoy” Aquino, ang martir nga Pilipino nga nag-ingon: Filipino is worth dying for, among buhion ang iyang mabayanihong pangandoy pinaagi sa launching sa “ ALAY LAKAD batok sa Pagsaka sa Presyo sa Lana.”

Among giawhag ang tanang nagpakabanang Sugbuanon nga mulakad kuyog kanamo alang sa pag-awhag sa atensyon sa gobyerno sa pagpaminaw sa demanda sa katawhan ug sa paglihok alang sa mahukmanong pagsulbad sa krisis sa lana.

Taas pa nga dalan ang latason aron makab-ot ang makatarunganon ug malahutayong kalinaw sa Mindanaw

Ang positibong butang mahitungod sa Memorandum of Agreement nga mao ang Bangsamoro Juridical Entity (BJE) nga ang Gobyernong Republika sa Pilipinas ug Moro Islamic Liberation Front nga mga panel sa mga negosyador hapi na unta mopirma. Kini magrekognisa sa ka lihitimo sa pangandoy sa katawhang Moro nga makuha pagbalik ang ilang mga kayutaan gikan sa ilang katigulangan kakuyog sa ilang katungod sa kaugalingong pagdesisyon, gani kini ang mga gamot hinungdan sa dugay na gilunsad nga armadong pakigbisog sa katawhang Moro.

Pero bisan paman, nagpabiling taas pa nga dalan ang latason, taas nga dalan aron maka istablisar ug mapahiluna ang Bangsamoro nga kayutaan, dunay dyutay kasiguruhan alang sa identitidad ug kaayuhan, maproktiktahan ang ilang katungod sa mga rekurso ug pagpanag-iya, makadumala sa ilang kaugalingong pang gobyerno sa langkob sa ilang kayutaan. Apan daghan nga mga babag sa dalan aron kab-uton ang makatarunganon ug malahutayong kalinaw sa Mindanaw.

Ang gobyernong Arroyo, sama sa iyang mga sumulunod, gidumalahan sa mga dagkong agalong yutaan ug mga komprador nga dunay dakong interes alang sa pagkontrol sa ekonomiya ug politika, gani gusto nilang ilang interes maapil nga mahisulod sa kasabutan o MOA alang sa kayutaan sa Bangsamoro.

Nakigkonsabo sila sa mga multi-nasyunal nga korporasyon sa pagpangdaug-daug ug pagpahimulos sa katawhan ug sa mga natural nga mga rokorso ug bahandi sa Mindanaw. Bisan gani karon nga ang mga termino sa implementasyon wala pa maklaro sa paghubad, ila gilayong giprotestahan ang kasabutan o MOA. Kini nagpamatuod nga ang Nasudnong Gobyerno o bisan ang mga lokal nga mga Warlord ug uban nga dunay hinakog nga interes nga maoy nakabinipisyo sa kasamtangang kahimtang sa Mindanaw maoy usa sa rason nga dili mapasayon sa pagpapasurender sa Bangasamoro kayutang kabilin ngadto sa katawhang Moro.Ilabi pa ang mga gamhanang langyaw, sama sa Estados Unidos, dili motugot nga dunay nasud nga dili makigkonsabo alang sa ilang interes.

GIILAD, GIGAMIT ug GILINGLA ang Bangsamoro

Sayod kita nga bisan kanus-a wala sa bokabolaryo sa bakakong administrasyong Arroyo ug sa iyang mga alipures ug hinanib nga mga burukrata ug warlord ang pag-surender sa kayutaan sa Bangsamoro ngadto sa katawhang Moro. Ang mga adunahan nga anaa sa gahum ang grabeng nakapahimulos sa mga bahandi sa kayutaan sa Mindanaw pinaagi sa padayong iligal nga pagpamutol sa kalasangan, pagmina, pagpananom sa alang sa panginahanglan sa langyaw'ng industriya ug pagpangilog sa kayutaan gikan sa mga kabus nga mga mag-uuma.

Gilingla ang mga nakigbisog nga MILF pinaagi sa kunuhay paghatag sa dugay na nga pangandoy sa katawhang Moro pinaagi sa Bangsamoro Juridical Entity aron pakalmahon ang panagsangka. Sayod ng daan ang administrasyng Arroyo nga supakon kini sa mga politikong warlord, dagkong agalong yutaan ug burgesya komprador sa mindanaw nga apektado sa MOA. Niini nga mga punto mahimong makarason si Arroyo nganong wala magmalampuson tungod sa daghang pagsupak.

Gigamit usab kini nga isyu aron makapamatuod ang ambisyusang Arroyo alang sa Charter Change o CHA-CHA. Pero luyo niining tanan mao lamang nga gustong trayduron sa Gobyernong Arroyo ang katawhan pinaagi sa CHA-CHA aron makapabilin siya sa gahum lampas sa tuig 2010.

TINUOD NGA KALINAW

Makab-ot lamang kini kung dunay lukop nasud nga pagbag-o sa sistima sa ekonomiya ug politika, ang nahitabong kagubot sa mindanaw tipik lamang sa tibuok nasud nga gilunsad nga kalihukan alang sa tiunay nga kagawasan. Kining gubat sibil nga nahitabo sa atong nasud resulta kini sa panagbangi sa hut-unganong interes diin ang mga dagkong agalong yutaan ug burgesya komprador maoy nagkontrol sa ekonomiya, politika, kultura ug militar nga padayong nagpahimulos sa gahum samtang ang minilyon ka batakang hut-ong gilupigan padayong wala makaangkon sa katilingbanong hustisya.
Ang tinuod nga kalinaw wala sa mga duguong kamot ni Arroyo, kay ang kalinaw nanukad sa hit-unagnong interes sa katawhang linupigan.

Ulipon sa Kapital

Kung wala ang kusog pamuo wala ang bahandi, wala ang palasyo,wala ang kapital, wala ang komodite ug wala ang bulawan. Pero ang katilingban nga sama sa gitungtungan sa atong nasud wala mag-alagad sa interes sa hut-ong mamumuo. Gani gigapos ang mga mamumuo sa kapital nga gimugna sa kusog pamuo.

Ang umento karon nga 17 pesos sa suhulan karon tuiga limos sa katawhan sa Rehimeng Arroyo ngadto sa mamumuo, sa laing pagkasulti " konswelo de bobo" aron sa pagpabugnaw sa lapad nga protesta sa katawhan nga panguluhan sa hut-ong mamumuo.

Nangalisbo na usab ang iyang mga bakak ug pagpanglingla sa nilabay nga ika-walong SONA, nisaad na usab og langit alang sa mga walay trabaho. Usa ka milyon KUNO nga trabaho matag tuig, wa iyara nalipaki kining presidentiha.

HOY madam nasayod ka kaha sa kamatuoran? liboan ka mga mamumuo ang nawad-ag trabaho tungod kaalkanse sa kompetisyon sa mga gagma'yng negosyante, ang imong balaod nga kontrakwalisasyon nagpatay sa mga pamilyadong mamumuo human sa unom ka bulan, sa kagamay sa sweldo gilayasan kana sa minilyon nimong mga anak sa singot aron mulangyaw sa laing nasud ug gatos ka liboan ka mga batan-on ang nisulod sa mga dili maayong panginabuhi aron aron mabuhi. ablihi ang imong imahinasyon, diba ngit-ngit pa sa alkitran ang kaugmaon sa imong mamamuo ug nasud.

sukmati ako!